Figures in our website are quoted for indication purpose only and subject to variation. Please contact our nearest branch or Call Center for our services requirements and more information.
Close
ACLEDA Bank Plc.
expand_less

 »  Media  »  Educational Poems

ម៉ែ !!!

- បទពាក្យ៧ -
* ម៉ែអើយម៉ែថ្លៃកូនរែងនឹក គុណគាប់សន្ធឹកម៉ែឱ្យកូន
  ម៉ែផ្តល់កំណើតជុំបងប្អូន ឥឡូវម៉ែសូន្យបាត់រូបកាយ ។
* ម៉ែរក្សាកូននៅក្នុងផ្ទៃ ភ័យព្រួយមមៃចាញ់ធុំបាយ
  ម៉ែក្អួតចង្អោរស្លេកស្លាំងកាយ អត់ទឹកខានបាយម៉ែស៊ូទ្រាំ ។
* ម៉ែពពោះកូននៅក្នុងផ្ទៃ ខិតខំវាសវៃញើសជោកជាំ
  បោកលាងសំអាតមើលថែទាំ កិច្ចការម៉ែទ្រាំមិននឿយណាយ ។
* គម្រប់ប្រាំបួនខែដប់ថ្ងៃ ប្រសូតបុត្រថ្លៃម៉ែខ្វល់ខ្វាយ
  ឆ្លងគ្រោះថ្នាក់ធំបៀតរាងកាយ ផុតទុក្ខរសាយខ្វល់រក្សា ។
* កូនយំម៉ែព្រួយច្រៀងបំពេ ស្រឡាញ់មាសមេស្មើនេត្រា
  អាចម៍នោមប្រឡាក់អង្គកាយា ម៉ែថ្នមវាចាថើបថែកូន ។
* ទឹកដោះម្តាយថ្លៃបំប៉នកាយ កូនរស់សប្បាយម្តាយស្ទើរសូន្យ
  ក្តៅគ្រុនរាករូសម៉ែថែកូន គុណម៉ែដូចក្បូនប្រាកដណាស់ ។
* នឹកម៉ែធ្លាប់ឱ្យនំចំណី រស់នៅក្រក្រីក្នុងខ្ទមចាស់
  សម្លៀកបំពាក់មួយបន្លាស់ ម៉ែថែទាំផ្លាស់ឱ្យកូនស្អាត ។
* ម៉ែអប់រំកូនឱ្យធ្វើល្អ រៀនសូត្របន្តឱ្យកូនឆ្លាត
  ម៉ែស៊ូលំបាកទោះបង់ខាត ឃើញកូនឱហាតទុក្ខរសាយ ។
* កូនរៀនចប់ថ្នាក់មានការងារ មិនគួរកំព្រាបាត់អ្នកម្តាយ
  គួរបានចិញ្ចឹមថ្នាក់ថ្នមកាយ ថែទាំនាយអាយកិច្ចតបស្នង ។
* កូនបដិបត្តិគ្រប់បណ្តាំ ម៉ែអើយកូនចាំល្អកន្លង
  កាយវាចាចិត្តល្អឥតហ្មង រក្សាចងក្រងកេរដំណែល ។
« Back
More
ACLEDA Unity ToanChet
1,260,708 PEOPLE USE THIS
Download: App Store and Google Play
Site Map    Form Center    User Manuals    Financial Calculator    Newsletter    Security Tips    Legal Notice
Online Visitors: 276    Today​ Visitors: 12,427    Yesterday Visitors: 25,513