Figures in our website are quoted for indication purpose only and subject to variation. Please contact our nearest branch or Call Center for our services requirements and more information.
Close
ACLEDA Bank Plc.
expand_less

homenavigate_nextMedianavigate_nextEducational Poems

arrow_backលោកឪពុក-អ្នកម្តាយ

- បទពាក្យ៧ -
* ពេលកូននឹកដល់ការតស៊ូ ពុកជាគំរូផ្តល់ឱ្យកូន
  គុណសាងជីវិតមិនឱ្យសូន្យ ឆ្ពោះទៅដូចក្បូនឱ្យសម្រេច ។
* បណ្តុះឆន្ទៈឱ្យស្រលាញ់ ធ្វើឱ្យអស់អញរួចជាស្រេច
  ព្យាយាមពុះពារការចាំបាច់ ការងារសម្រេចជាប្រយោជន៍ ។
* ពុកប្រៀនប្រដៅអប់រំចិត្ត ឱ្យកូនខំខិតចាកអសោច
  ត្រួតមើលស្នាដៃដែលដាច់ដោច បោះបង់ផុយខ្លោចតម្រង់ចិត្ត ។
* គ្មានអ្វីតបស្នងស្មើគុណពុក មានតែចាំទុកធម៌ពិសិដ្ឋ
  ប្រណិប័តន៍បណ្តាំចាំប្រណីត ពាក្យល្អសចិត្តស្និទ្ធស្នេហ៍កាយ  ។
* ពេលកូននឹកដល់ក្តីស្រលាញ់ រឹតរែងភ្នកក្នាញ់នឹកដល់ម្តាយ
  គុណធំអនេកវែងអន្លាយ ក្រៃធ្ងន់សែនឆ្ងាយលើសប្រឹថពី ។
* អ្នកចិញ្ចឹមកូនថ្នមរក្សា ចំណីភោក្តាសាងជីវី
  អប់រំណែនាំតាមនាទី រួមរស់មូលមីរដោយសីលធម៌ ។
* អ្នកសាងស្មារតីនិងសុចរិត កាយវាចាចិត្តថ្លៃបវរ
  ឱ្យកូនរស់រានដោយស្មោះសរ មូលមិត្តបន្តលើផែនដី ។
* គ្មានអ្វីតបស្នងស្មើគុណអ្នក មានតែជឿជាក់និងភក្តី
  ម៉ែមានគុណធំជាងមេឃដី គុណអ្នកគ្មានអ្វីប្រដូចឡើយ ។
  ពុកម៉ែជាព្រះនៃកូនចៅ លោកប្រៀនប្រដៅឱ្យកូនល្អ
  នាំគ្នាប្រណិប័តន៍បានបវរ សាងផលស្មោះសរតរុងរឿង ។
More
ACLEDA Unity ToanChet
1,686,826 PEOPLE USE THIS
Download: App Store and Google Play
Site Map    Form Center    User Manuals    Financial Calculator    Newsletter    Security Tips    Legal Notice
Online Visitors: 152    Today​ Visitors: 16,864    Yesterday Visitors: 21,988