Figures in our website are quoted for indication purpose only and subject to variation. Please contact our nearest branch or Call Center for our services requirements and more information.
Close
ACLEDA Bank Plc.
expand_less

homenavigate_nextMedianavigate_nextEducational Poems

arrow_backជំនួយស្មារតីជូនសហគ្រិន

- បទពាក្យ៧ -
* មានលុយកាក់ច្រើនធ្វើជំនួញ នឹកស្មានថាជួញបានកម្រៃ
  ធ្វើផែនការធំអស់ពីដៃ បានប៉ុន្មានថ្ងៃដួលហែហូរ ។
* គួរគិតដល់កត្តាប្រាំយ៉ាង សិល្ប៍វិធីខាងការលក់ដូរ
  ច្រើនមុខទំនិញគ្រប់ក្បាច់ក្បូរ ខំមើលស្តាប់ស្នូរអ្នកត្រូវការ ។
* កែច្នៃម៉ូតម៉ាកមានគុណភាព បរិមាណប្រៀបធៀបសព្វទីផ្សារ
  ជ្រើសរើសទីតាំងលក់ផលា ធាតុដើមត្រូវការងាយរកទិញ ។
* អតិថិជនងាយនឹងរក នៅជិតជម្រកសព្វទំនិញ
  មានមធ្យមក្រឥតម្នោម្នេញ មានលុយមកទិញតាមប្រាថ្នា ។
* អ្នកលក់ដាក់តម្លៃសមស្រប អ្នកទិញកាក់កបក្នុងចិន្តា
  ទៅមករកទិញតាមត្រូវការ ខ្វះខាតយ៉ាងណាទាក់ទងទៀត ។
* ប្រសិនលក់កោរមិនដាក់ទឹក គ្មាននរណានឹកខ្វះរសជាតិ
  ក្រៀមក្រោះសោះខ្យល់ដូចត្រីងៀត ដ្បិតខ្វះមារយាទបង់អសារ ។
* ស៊ូចំណេញតិចលក់បានច្រើន ប្រសើរជាងកើនលក់តិចណា
  បានតែម្តងទេមិនអស្ចារ្យ ក្រោយដូចបក្សាហើរហែហៃ ។
* ចេះចាំផ្សព្វផ្សាយគេតាមដោយ តាក់តែងឬឱ្យឥតគិតថ្លៃ
  ផ្តល់កម្មីស្យុងត្រូវតម្លៃ ដល់អ្នកជួយដៃរកម៉ូយឱ្យ ។
* គិតគូរគណនាលក់ចុះថ្លៃ សម្រួលតម្លៃតាមខ្លាំងខ្សោយ
  ឆ្នោតធ្នាក់ទាក់ចិត្តអ្នកទិញដោយ ជាហេតុធ្វើឱ្យអ្នកទិញអរ ។
* កំណត់ប្រភេទអ្នកប្រើប្រាស់ ផលិតផ្តេសផ្តាសនាំវ័ណ្ឌក
  តាមមានមធ្យមឬអ្នកក្រ ដាក់តម្លៃល្អស្របផលិត ។
* បើគុណភាពល្អត្រូវលក់ថ្លៃ មិនចុះតម្លៃគន់គូរគិត
  ចំណែកអ្នកក្រនៅឆ្ងាយជិត ខ្វះលុយគឺពិតមិនមកពាល់ ។
* រួមគ្រប់យុទ្ធសាស្ត្រដែលធ្វើឱ្យ អ្នកទិញមកដោយឥតពិភាល់
  សព្វផលសេវាទទួលស្គាល់ ចាយមិនប៉ះពាល់ផលពេញចិត្ត ។
More
ACLEDA Unity ToanChet
1,686,826 PEOPLE USE THIS
Download: App Store and Google Play
Site Map    Form Center    User Manuals    Financial Calculator    Newsletter    Security Tips    Legal Notice
Online Visitors: 140    Today​ Visitors: 2,670    Yesterday Visitors: 18,728