តួលេខ​ក្នុង​វេបសាយ​របស់​យើង​ខ្ញុំ គឺ​សម្រាប់​បង្ហាញ​ជូន​ជា​ព័ត៌មាន​ប៉ុណ្ណោះ និង​អាច​មាន​ការ​កែ​ប្រែ ។ សម្រាប់​ព័ត៌មាន​បន្ថែម សូម​ទាក់ទង​សាខា​របស់​យើង​ខ្ញុំ​ដែល​​នៅ​ជិត​លោក​អ្នក ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន ។
✖  យល់ព្រម
English     ភាសាខ្មែរ

 »  ព័ត៌មាន  »  កម្រង​កំណាព្យ​អប់រំ

ប្រាំប្រការរក្សាវិជ្ជមាន ក្នុងការអភិបាលការងារ

(សម្រាប់អ្នកគ្រប់គ្រង)
- បទពាក្យ៩ -
១- អ្នកដឹកនាំ ត្រូវថែទាំ ប្រាំប្រការ
  កើនបញ្ញា ថ្លាគំនិត គិតគូរជាប់
  មិនបោះបង់ តម្រង់ចិត្ត ពិតកាន់ខ្ជាប់
  ជាទម្លាប់ គាប់ប្រាំយ៉ាង តាងលូតលាស់ ។
២- ប្រុងប្រយ័ត្ន បាត់ខ្ជីខ្ជា លាហិនហោច
  ការអសោច ខ្លោចតូចធំ កុំឲ្យទាស់
  តាំងស្មារតី លៃឲ្យមាំ ទ្រាំកាប់គាស់
  ផលសម្ផស្ស លាស់កេរ្តិ៍ឈ្មោះ យសថ្កុំថ្កើង ។
៣- កោតសរសើរ គ្រប់ដំណើរ សព្វកិច្ចការ
  ក្តីប្រាថ្នា ចារជាគោល ពោលតម្កើង
  លើកទឹកចិត្ត ពាក្យស័ត្យពិត រឹតរួមឡើង
  ការងារថ្កើង ឡើងគុណភាព លាភកើតដល់ ។
៤- ជួនកំហុស ទោះស្រីប្រុស ខុសវិន័យ
  បាត់តម្លៃ ពិន័យទោស សោះច្របល់
  មិនលើកលែង រែងសៅហ្មង ចងកង្វល់
  កាត់ទោសផ្តល់ ផលប្រយោជន៍ ហោចវិបត្តិ ។
៥- ជូនរង្វាន់ តាមថ្នាក់ជាន់ អ្នករួមការ
  ស្របប្រាថ្នា ការដល់ដែន ផែនការសត្យ
  ធ្វើបានផល សល់ភ័ព្វខ្ពស់ រស់ម៉ឺងម៉ាត់
  ប្រឹងហ្វឹកហាត់ បាត់ញ័រញាក់ អ្នកគំរូ ។
៦- លើកតម្កើង ឡើងស័ក្តិយស អ្នកបវរ
  ការងារល្អ បន្តផ្តល់ ផលគាប់យូរ
  ជូនភោគផល ដល់គេឯង តែងគិតគូរ
  រួមតស៊ូ គំរូផល សល់ថ្កុំថ្កើង ។
៧- ហៃលោកអ្នក ចងចាំជាក់ សព្វខ្លឹមសារ
  ទើបកិច្ចការ ថ្លាឲ្យផល ផ្តល់គាប់ឡើង
  បដិបត្តិ ឲ្យខ្ជាប់ខ្ជួន កុំរើសអើង
  ទើបថ្កុំថ្កើង ឡើងស័ក្តិយស ឈ្មោះល្បីល្បាញ ។
ត្រឡប់​ក្រោយ

ប្រសិន​បើ​លោក​អ្នក​មាន​ចម្ងល់
ឬ​សំណូម​ពរ​ផ្សេងៗ (បម្រើ​២៤​ម៉ោង)
០២៣ ៩៩៤ ៤៤៤, ០១៥ ៩៩៩ ២៣៣
inquiry@acledabank.com.kh

ព័ត៌មាន​បន្ថែម
អេស៊ីលីដា​យូនីធី​ទាន់​ចិត្ត
១.០៦២.៦៣៥ អតិថិជន​កំពុង​ប្រើ
ទាញយក​ពី App StoreGoogle Play
ផែនទីទំព័រ   ទម្រង់ប្រើជាមួយសេវា   របៀបប្រើសេវាកម្ម   កម្មវិធីគណនា   ព័ត៌មានតាមអ៊ីម៉ែល   លក្ខខណ្ឌសុវត្ថិភាព   កំណត់ចំណាំផ្នែកច្បាប់   ក្រមស្តីពីការប្រតិបត្តិសេវាធនាគារ
ចំនួនអ្នកកំពុងទស្សនា : ២៥២    ចំនួនអ្នកទស្សនាថ្ងៃនេះ : ៨.៣២៥    ចំនួនអ្នកទស្សនាពីម្សិល : ២០.១១៦