ផលិតផល និងសេវាក្រុមហ៊ុនសេវាចាត់ចែងសាច់ប្រាក់សេវាប្រមូលប្រាក់បង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ

សេវាប្រមូលប្រាក់បង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ

ធនាគារអេស៊ីលីដាបានទទួលការអនុញ្ញាតពីក្រសួងសេដ្ឋកិច្ច និងហិរញ្ញវត្ថុ ក្នុងការផ្តល់ជូនអតិថិជន និងសាធារណជនទូទៅ ដើម្បីទទួលប្រាក់បង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ នៅតាមសាខារបស់ធនាគារអេស៊ីលីដា គ្រប់ទីកន្លែងទូទាំងប្រទេស ។

អត្ថប្រយោជន៍ និងភាពងាយស្រួល

ងាយស្រួលក្នុងការបង់ពន្ធជូនរដ្ឋ លើមធ្យោបាយដឹកជញ្ជូន និងយានជំនិះគ្រប់ប្រភេទ នៅតាមសាខាធនាគារអេស៊ីលីដា ដែលមានទីតាំងនៅជិតលោកអ្នក ។
កាត់បន្ថយចំណាយ និងចំណេញពេលធ្វើដំណើរ ។
មានសុវត្ថិភាពក្នុងការទូទាត់ ។
ធនាគារអេស៊ីលីដា មិនគិតថ្លៃសេវាបន្ថែមលើតម្លៃពន្ធយានយន្តដែលត្រូវបង់ឡើយ ។
មានឱកាសប្រើប្រាស់ផលិតផល-សេវាផ្សេងៗទៀត របស់ធនាគារអេស៊ីលីដា ។

លក្ខខណ្ឌតម្រូវក្នុងការបង់ពន្ធ សម្រាប់មធ្យោបាយដឹកជញ្ជូន និងយានជំនិះគ្រប់ប្រភេទ

ទោចក្រយានយន្ត និងត្រីចក្រយានយន្ត

មិនចាំបាច់បំពេញឯកសារបង់ពន្ធ និងឯកសារតម្រូវ ។ លោកអ្នកអាចទិញលតាបត្រពន្ធ (ប័ណ្ណបង់ពន្ធផ្លូវ) សម្រាប់ទោចក្រយានយន្ត និងត្រីចក្រយានយន្តគ្រប់ប្រភេទ បានយ៉ាងងាយស្រួលនៅតាមសាខារបស់ធនាគារអេស៊ីលីដា ទូទាំងប្រទេស ។
មិនកំណត់ចំនួនប័ណ្ណបង់ពន្ធ លោកអ្នកអាចទិញចំនួនប៉ុន្មានក៏បាន គ្រាន់តែប្រាប់ភ្នាក់ងាររបស់យើងខ្ញុំ ពីប្រភេទទោចក្រយានយន្ត ឬត្រីចក្រយានយន្តដែលត្រូវទិញប័ណ្ណបង់ពន្ធ ។

រថយន្តទេសចរណ៍ ត្រាក់ទ័រ និងគ្រឿងចក្រប្រហាក់ប្រហែល ជលយាន អូរប័រ

លោកអ្នកត្រូវបំពេញលិខិតប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ចំនួន ២ច្បាប់ ។
ភ្ជាប់នូវប័ណ្ណសម្គាល់យានយន្ត ឬបង្កាន់ដៃបញ្ជាក់ការបង់ពន្ធនាំចូលសម្រាប់យានយន្តដែលមានផ្លាកលេខបណ្តោះអាសន្ន ។
ភ្ជាប់នូវអត្តសញ្ញាណសម្គាល់ខ្លួន ឬលិខិតឆ្លងដែន ឬលិខិតបញ្ជាក់បំបុត្រកំណើតរបស់ម្ចាស់យានយន្ត ។

រថយន្តដឹកទំនិញ រ៉ឺម៉កសណ្តោង និងរថយន្តដឹកអ្នកដំណើរ

លោកអ្នកត្រូវបំពេញលិខិតប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ចំនួន ២ច្បាប់ ។
ភ្ជាប់នូវប័ណ្ណសម្គាល់យានយន្ត ឬបង្កាន់ដៃបញ្ជាក់ការបង់ពន្ធនាំចូលសម្រាប់យានយន្តដែលមានផ្លាកលេខបណ្តោះអាសន្ន ។
ភ្ជាប់នូវអត្តសញ្ញាណសម្គាល់ខ្លួន ឬលិខិតឆ្លងដែន ឬលិខិតបញ្ជាក់សំបុត្រកំណើតរបស់ម្ចាស់យានយន្ត ។
ភ្ជាប់នូវវិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត ។

ប្រភេទរូបិយប័ណ្ណ

ប្រាក់បង់ពន្ធគឺ "ប្រាក់រៀល" ។ ប្រសិនបើលោកអ្នកបង់ជាសាច់ប្រាក់ ឬកាត់ចេញពីគណនីជាប្រាក់ផ្សេងៗ ត្រូវឆ្លងកាត់ការប្តូរប្រាក់ទៅជាប្រាក់រៀល ដោយអនុលោមតាមអត្រាប្តូរប្រាក់របស់ធនាគារអេស៊ីលីដា ។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងមកការិយាល័យទំនាក់ទំនងអតិថិជន បានគ្រប់ពេលវេលា ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។

សេវា​ប្រមូល​ប្រាក់​បង់​ពន្ធ​លើ​មធ្យោបាយ​ដឹក​ជញ្ជូន និង​យានជំនិះ​គ្រប់​ប្រភេទ

អត្ថប្រយោជន៍ និង​ភាពងាយស្រួល

លក្ខខណ្ឌ​តម្រូវ​ក្នុង​ការ​បង់​ពន្ធ សម្រាប់​មធ្យោបាយ​ដឹក​ជញ្ជូន និង​យានជំនិះ​គ្រប់​ប្រភេទ

ទោចក្រយាន​យន្ត និង​ត្រីចក្រយាន​យន្ត

រថយន្ត​ទេសចរណ៍ ត្រាក់ទ័រ និង​គ្រឿងចក្រ​ប្រហាក់​ប្រហែល ជលយាន អូរប័រ

រថយន្ត​ដឹក​ទំនិញ រ៉ឺម៉ក​សណ្តោង និង​រថយន្ត​ដឹក​អ្នក​ដំណើរ

ប្រភេទ​រូបិយប័ណ្ណ