តួលេខ​ក្នុង​វេបសាយ​របស់​យើង​ខ្ញុំ គឺ​សម្រាប់​បង្ហាញ​ជូន​ជា​ព័ត៌មាន​ប៉ុណ្ណោះ និង​អាច​មាន​ការ​កែ​ប្រែ ។ សម្រាប់​ព័ត៌មាន​បន្ថែម សូម​ទាក់ទង​សាខា​របស់​យើង​ខ្ញុំ​ដែល​​នៅ​ជិត​លោក​អ្នក ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន ។
✖  យល់ព្រម
English     ភាសាខ្មែរ
ធនាគារ អេស៊ីលីដា ភីអិលស៊ី

 »  ផលិតផល និង​សេវា  »  សេវា​ធនាគារ​អេឡិចត្រូនិក  »  ម៉ាស៊ីន​អេធីអឹម អេស៊ីលីដា  »  សេវា​ទូទាត់​តាម​រយៈ​ម៉ាស៊ីន​អេធីអឹម

សេវា​ទូទាត់​តាម​រយៈ​ម៉ាស៊ីន​អេធីអឹម

ឥឡូវ​នេះ​លោកអ្នក​អាច​ទូទាត់​ថ្លៃ​ទំនិញ-សេវាកម្ម ឬ​ទូទាត់​វិក្កយបត្រ ជា​មួយ​ម៉ាស៊ីន​អេធីអឹម​របស់​ធនាគារ​អេស៊ីលីដា ទាំង៦២៤​គ្រឿង ។ សេវា​ទូទាត់​តាមរយៈ​ម៉ាស៊ីន​អេធីអឹម ជួយ​សម្រួល​លោកអ្នក​បង់​ប្រាក់ ឬ​ទូទាត់​​ថ្លៃ​ទំនិញ-សេវាកម្ម ឬ​ទូទាត់​វិក្កយបត្រ​ទៅឱ្យ​អ្នក​ផ្គត់ផ្គង់ តាមរយៈ​ប័ណ្ណ​ឥណពន្ធ​អេស៊ីលីដា​គ្រប់​ប្រភេទ ជាមួយ​ម៉ាស៊ីន​អេធីអឹម​របស់​ធនាគារ​អេស៊ីលីដា ទូទាំង​ខេត្ត-​រាជធានី នៅក្នុង​ប្រទេស​កម្ពុជា ។

បច្ចុប្បន្ន ធនាគារ​អេស៊ីលីដា មាន​បម្រើ​សេវា​ទូទាត់​តាមរយៈ​ម៉ាស៊ីន​អេធីអឹម​ជាមួយ​ក្រុមហ៊ុន​អគ្គិសនី​កម្ពុជា នៅ​ក្នុង​រាជធានី​ភ្នំពេញ និង​ខេត្ត​កណ្តាល ។

អត្ថប្រយោជន៍

  • មាន​ភាព​ងាយស្រួល​ដល់​លោកអ្នក​ក្នុង​ការទូទាត់​សាច់ប្រាក់ឱ្យ​អ្នក​ផ្គត់ផ្គង់ ដោយ​អាច​ធ្វើ​ប្រតិបត្តិការ​សេវា​ទូទាត់​បាន​គ្រប់​ពេលវេលា តាមរយៈ​ម៉ាស៊ីន​អេធីអឹម របស់​ធនាគារ​អេស៊ីលីដា
  • មាន​សុវត្ថិភាព​ខ្ពស់​ក្នុង​ការ​គ្រប់គ្រង​សាច់ប្រាក់
  • អាច​តាមដាន​របាយការណ៍​លម្អិត ស្តីពី​ប្រតិបត្តិការ​ទូទាត់​របស់ខ្លួន​បាន​ងាយស្រួល
  • អាច​រក្សា​បាន​នូវ​ការ​សម្ងាត់​នៃ​របាយការណ៍​ហិរញ្ញវត្ថុ
  • មាន​ឱកាស​ប្រើប្រាស់​សេវា​ផ្សេងៗ​ទៀត​របស់​ធនាគារ ។ល។

លក្ខណៈពិសេស

  • ប័ណ្ណអេស៊ីលីដា​មួយ​អាច​ភ្ជាប់​លេខសម្គាល់​ទីតាំង​ប្រើប្រាស់​ចរន្ត សម្រាប់​ទូទាត់​ថ្លៃទំនិញ ឬ​សេវា​ផ្សេងៗ​បាន​រហូតដល់ ៦លេខ​សម្គាល់ ។
  • លេខសម្គាល់​ទីតាំង​ប្រើប្រាស់​ចរន្ត​របស់​លោក​អ្នក​មួយ អាច​ភ្ជាប់​ជាមួយ​ប័ណ្ណអេស៊ីលីដា​បាន​តែមួយ​គត់ ។
  • បង់​ប្រាក់​ទៅ​តាម​រូបិយប័ណ្ណ ដែល​មាន​ជាក់ស្តែង​នៅលើ​វិក្កយបត្រ ។ ប្រសិនបើ​រូបិយប័ណ្ណ​លើ​វិក្កយបត្រ និង​រូបិយប័ណ្ណ​របស់​គណនី​ខុស​គ្នា នោះ​យើង​ខ្ញុំ​នឹង​ទូទាត់​ដោយ​ស្វ័យប្រវត្តិ តាម​អត្រា​ប្តូរប្រាក់​ផ្លូវការ​របស់​ធនាគារ​អេស៊ីលីដា នៅ​ថ្ងៃ​ធ្វើ​ប្រតិបត្តិការ​នោះ ។
  • លោកអ្នក​ត្រូវ​មាន​សមតុល្យ​សាច់ប្រាក់​គ្រប់គ្រាន់​នៅ​ក្នុង​គណនី​ដែល​ភ្ជាប់​ប័ណ្ណ​នោះ សម្រាប់​ធ្វើ​ប្រតិបត្តិការ​សេវា​ទូទាត់ ។
  • រាល់​ពេល​ធ្វើ​ប្រតិបត្តិការ​ទូទាត់​សាច់ប្រាក់ តាម​ម៉ាស៊ីន​អេធីអឹម​អេស៊ីលីដា លោកអ្នក​ត្រូវ​មាន​វិក្កយបត្រ​ទូទាត់​ដែល​ចេញ​ដោយ​អ្នកផ្គត់ផ្គង់​សម្រាប់​ផ្ទៀងផ្ទាត់​លេខ​សម្គាល់​ទីតាំង​ប្រើប្រាស់​ចរន្ត និង​ចំនួន​ទឹកប្រាក់​ដែល​ត្រូវ​ធ្វើកា​រ​ទូទាត់ឱ្យ​បាន​ត្រឹមត្រូវ និង​ច្បាស់លាស់ ។
  • ត្រូវ​រក្សា​វិក្កយបត្រ​អេធីអឹម យ៉ាង​ហោចណាស់ឱ្យ​បាន ២សប្តាហ៍ ដើម្បី​ផ្ទៀងផ្ទាត់​ក្នុង​ករណី​ចាំបាច់ ។

កម្រៃ​សេវា

ថ្លៃ​សេវា​ទូទាត់​ត្រឹម​តែ ០,២៥ដុល្លារ​អាមេរិក ឬ​សមមូល​ជា​ប្រាក់រៀល​ក្នុង​មួយ​ប្រតិបត្តិការ ដោយ​កាត់​ចេញ​ពី​គណនី​របស់​លោកអ្នក ដោយ​ស្វ័យប្រវត្តិ​នៅ​ពេល​ធ្វើ​ប្រតិបត្តិការ ។

សំគាល់ ៖

  • លោកអ្នក​អាច​ធ្វើ​ប្រតិបត្តិការ​ទូទាត់ ឱ្យ​គ្រប់​ចំនួន​តាម​វិក្កយបត្រ​ជាក់ស្តែង ឱ្យ​បាន​មុន​ថ្ងៃ​ផុតកំណត់​បង់​ប្រាក់​របស់​អ្នកផ្គត់ផ្គង់ យ៉ាងតិច​បំផុត​ពីរ​ថ្ងៃ​នៃ​ថ្ងៃ​ធ្វើការ ។
  • សម្រាប់​តម្រូវការ​ប្រើប្រាស់​សេវា​ធនាគារ និង​​ព័ត៌មាន​ផ្សេងៗ​ទៀត សូម​ទាក់ទង​ជាមួយ​នឹង​សាខា​របស់​យើង​ខ្ញុំ ដែល​មាន​ទីតាំង​នៅ​ជិត​លោក​អ្នក​បំផុត ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន ។

សូម​លោក​អ្នក​មេត្តា​ចំណាយ​ពេល​ប្រហែល ១០នាទី ដើម្បី​ផ្តល់​នូវ​ចម្លើយ និង​សំណូម​ពរ​ផ្សេងៗ ។ ចម្លើយ​របស់​លោក​អ្នក​នឹង​រក្សា​ការ​សម្ងាត់ ។

យល់ព្រម

ជា​សេវា​ហិរញ្ញវត្ថុ​មួយ​ប្រភេទ ដែល​អនុញ្ញាត​ឲ្យ​លោក​អ្នក​ធ្វើ​ប្រតិបត្តិការ​សេវា​ធនាគារ តាម​រយៈ​ទូរស័ព្ទ​ចល័ត​ដែល​ដំណើរការ​ដោយ Android និង iOS ។

មាន​អតិថិជន​កំពុង​ប្រើ​ចំនួន ១.០៩៨.៤០៩ នាក់
ទាញយក​ពី App StoreGoogle Play

ប្រសិន​បើ​លោក​អ្នក​មាន​ចម្ងល់
ឬ​សំណូម​ពរ​ផ្សេងៗ (បម្រើ​២៤​ម៉ោង)
០២៣ ៩៩៤ ៤៤៤, ០១៥ ៩៩៩ ២៣៣
inquiry@acledabank.com.kh

សម្រាប់​បណ្តឹង​ត្អូញ​ត្អែរ
(បម្រើ​ជូន​ពី​ម៉ោង ៧:៣០ ដល់​ម៉ោង ១៦:៣០ រៀង​រាល់​ថ្ងៃ​ធ្វើការ)
ទូរស័ព្ទ ៖ ០១៥ ៨៨៨ ៦៥៤
អ៊ីម៉ែល ៖ cmc@acledabank.com.kh

ព័ត៌មាន​បន្ថែម
អេស៊ីលីដា​យូនីធី​ទាន់​ចិត្ត
អតិថិជន​កំពុង​ប្រើ ១.០៩៨.៤០៩ នាក់
ទាញយក​ពី App StoreGoogle Play
ផែនទីទំព័រ   ទម្រង់ប្រើជាមួយសេវា   របៀបប្រើសេវាកម្ម   កម្មវិធីគណនា   ព័ត៌មានតាមអ៊ីម៉ែល   លក្ខខណ្ឌសុវត្ថិភាព   កំណត់ចំណាំផ្នែកច្បាប់
ចំនួនអ្នកកំពុងទស្សនា : ១០៩    ចំនួនអ្នកទស្សនាថ្ងៃនេះ : ៧៧៧    ចំនួនអ្នកទស្សនាពីម្សិល : ១១.៥៥៦