តួលេខ​ក្នុង​វេបសាយ​របស់​យើង​ខ្ញុំ គឺ​សម្រាប់​បង្ហាញ​ជូន​ជា​ព័ត៌មាន​ប៉ុណ្ណោះ និង​អាច​មាន​ការ​កែ​ប្រែ ។ សម្រាប់​ព័ត៌មាន​បន្ថែម សូម​ទាក់ទង​សាខា​របស់​យើង​ខ្ញុំ​ដែល​​នៅ​ជិត​លោក​អ្នក ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន ។
យល់ព្រម
English     ភាសាខ្មែរ
ធនាគារ អេស៊ីលីដា ភីអិលស៊ី
expand_less

 »  ផលិតផល និង​សេវា  »  សេវា​ហិរញ្ញប្បទាន​ពាណិជ្ជកម្ម

សេវា​ហិរញ្ញប្បទាន​ពាណិជ្ជកម្ម

ភាព​ជោគជ័យ​ផ្នែក​សេដ្ឋកិច្ច​នៃ​អាជីវកម្ម​របស់​លោក​អ្នក អាស្រ័យ​ទៅ​លើ​កត្តា​ជា​ច្រើន ។ កត្តា​ដ៏​សំខាន់​មួយ គឺ​ការ​សហការ​ជាមួយ​នឹង​ធនាគារ​មួយ​ដែល​លោក​អ្នក​អាច​ជឿ​ទុក​ចិត្ត​យ៉ាង​ពេញ​លេញ​គ្រប់​ពេល​វេលា ។ ធនាគារ អេស៊ីលីដា ភីអិលស៊ី អាច​ជួយ​អាជីវកម្ម​របស់​លោក​អ្នក តាម​រយៈ​បណ្ដាញ​សាខា​ដ៏​ធំ​បំផុត ក្នុង​ព្រះរាជាណាចក្រ​កម្ពុជា រួម​ជា​មួយ​ប្រព័ន្ធ​បច្ចេកវិជ្ជា​លំដាប់​ថ្នាក់​ពិភពលោក ។

គោល​បំណង​របស់​យើង​ខ្ញុំ គឺ​ផ្គត់ផ្គង់​នូវ​សេវា​ហិរញ្ញវត្ថុ​គ្រប់​ផ្នែក​ទាំង​អស់ ជាមួយ​នឹង​ដំណោះស្រាយ​ដ៏​ឈ្លាស​វៃ និង​ឆាប់​រហ័ស​សម្រាប់​បំពេញ​តាម​តម្រូវ​ការ​នៃ​ក្រុមហ៊ុន​របស់​លោកអ្នក ។

ឥឡូវ​នេះ​ធនាគារ​អេស៊ីលីដា​បម្រើ​សេវា​ហិរញ្ញប្បទាន​ដូច​ខាង​ក្រោម ៖

សេវា Documentary Collection

  • Import Documentary Collection
    ជា​ឯកសារ​ដែល​ធនាគារ​អេស៊ីលីដា តំណាង​ភាគី​អ្នក​ទិញ ទទួល Import Bill ពី​ធនាគារ​ជា​តំណាង​ភាគី​អ្នក​លក់ ដូចជា Drafts, វិក្កយបត្រ, បញ្ជីរាយ​ឈ្មោះ​ទំនិញ ។ល។ ដើម្បី​បញ្ជូន​លិខិត​ទាំង​នេះ​ទៅឱ្យ​ភាគី​អ្នក​ទិញ ដោយ​ធានា​បាន​ថា ឯកសារ​ទាំង​នេះ​ពិត​ជា​ត្រឹម​ត្រូវ​តាម​លក្ខខណ្ឌ​ដែល​បាន​ព្រមព្រៀង ដើម្បី​ទូទាត់​ភ្លាមៗ ឬ​ទទួល​ទុក​ទូទាត់​ពេលក្រោយ ។
  • Export Documentary Collection
    អ្នក​លក់​ត្រូវ​រៀប​ចំ​ឯកសារ ដូចជា បញ្ជី​រាយ​មុខ​ទំនិញ, ឯកសារ​ដឹកជញ្ជូន, វិញ្ញាបនបត្រ​ធានា​រ៉ាប់រង, វិក្កយបត្រ​ពាណិជ្ជកម្ម, វិញ្ញាបនបត្រ​អធិការកិច្ច ។ល។ ដើម្បី​បញ្ជូន​មកឱ្យ​ធនាគារ​អេស៊ីលីដា បញ្ជូន​បន្ត​ទៅឱ្យ​ធនាគារ​ភាគី​អ្នក​ទិញ ។

សេវា​លិខិត​ឥណទាន

សេវា​លិខិត​ឥណទាន គឺ​ជា​កិច្ចសន្យា​ឯកតោភាគី​ដែល​ធ្វើ​ឡើង​ដោយ​ធនាគារ​អេស៊ីលីដា យោង​លើ​សំណើរ​សុំ​របស់​អ្នក​នាំ​ចូល (អ្នក​ទិញ) ធានា​លើ​ការ​ទូទាត់​ថ្លៃ​ទំនិញ​ដ៏​ត្រឹមត្រូវ​មួយ​ដល់​អ្នក​លក់ ប្រសិន​បើ​គាត់​អាច​បំពេញ​តាម​លក្ខខណ្ឌ​នៃ​កិច្ចសន្យា​ដែល​មាន​ចែង​ក្នុង​លិខិត​ឥណទាន ហើយ​ការ​ធានា​អះអាង​នេះ ធ្វើ​ឡើង​តាម​រយៈ​ធនាគារ​របស់​អ្នក​នាំ​ចេញ ឬ​អ្នក​លក់ ។ សេវា​លិខិត​ឥណទាន​មាន​ពីរ​ប្រភេទ​គឺ ៖

  • សេវា​លិខិត​ឥណទាន (នាំ​ចូល)
    សេវា​លិខិត​ឥណទាន (នាំ​ចូល) គឺ​ជា​សេវា​មួយ​ដែល​ធនាគារ​អេស៊ីលីដា ចេញ​ជា​លិខិត​ជំនួស​មុខឱ្យ​អ្នក​ស្នើ​សុំ (អ្នក​ទិញ) ធានា​ចំពោះ​អ្នក​ទទួល​ផល (អ្នក​លក់) នូវ​ការ​ទូទាត់​ថ្លៃ​ទំនិញ​ដ៏​ត្រឹម​ត្រូវ​មួយ​ដល់​អ្នក​លក់ ក្នុង​ករណី​ដែល​គាត់​អាច​បំពេញ​តាម​លក្ខខណ្ឌ​នៃ​កិច្ចសន្យា​ដែល​មាន​ចែង​នៅ​ក្នុង​លិខិត​ឥណទាន ។
  • សេវា​លិខិត​ឥណទាន (នាំ​ចេញ)
    សេវា​លិខិត​ឥណទាន (នាំ​ចេញ) គឺ​ជា​សេវា​មួយ​ដែល​ធនាគារ​អេស៊ីលីដា ដើរ​តួនាទី​ជា​អ្នក​ជូន​ដំណឹង ធានា​អះអាង​បន្ថែម​លើ​ការ​ទូទាត់​ថ្លៃ​ទំនិញ ឬ​ផ្តល់​ហិរញ្ញប្បទាន ឬ​សេវា​ផ្សេងៗ​ទៀត​ដល់​អ្នក​លក់ លើ​លិខិត​ឥណទាន​ដែល​បាន​ចេញ​ដោយ​ធនាគារ​របស់​អ្នក​ទិញ ។ ដោយ​ក្នុង​នោះ​ធនាគារ​អេស៊ីលីដា មាន​តួនាទី​ជា​អ្នក​ត្រួត​ពិនិត្យ​លើ​ភាព​ត្រឹម​ត្រូវ​និង​គ្រប់គ្រាន់​នៃ​លិខិត​ឥណទាន ដោយ​ប្រៀប​ធៀប​ជាមួយ​នឹង​កិច្ចសន្យា​ទិញ-លក់​ទំនិញ ។

សេវា​លិខិត​ធានា

ដើម្បី​ប្រតិបត្តិការ​មុខ​ជំនួញ​មាន​ទំហំ​ធំ ឬ​គ្រោង​ការ​ដែល​មាន​តម្លៃ​ថ្លៃ លោក​អ្នក​ចាំ​បាច់​ត្រូវ​មាន​លិខិត​ធានា ។ ដោយ​យោង​ទៅ​តាម​គោល​បំណង និង​តម្រូវ​ការ​ផ្សេងៗ​ជា​ច្រើន ធនាគារ​អេស៊ីលីដា​បាន​បង្កើត​សេវា​លិខិត​ធានា​ជា​ច្រើន​ប្រភេទ ដែល​លោក​អ្នក​អាច​ប្រើបាស់​ដើម្បី​បំពេញ​តម្រូវ​ការ​ទាំង​នោះ ។

  • លិខិត​ធានា​លើ​ការ​ដឹក​ជញ្ជូន ៖ ជា​លិខិត​មួយ​ប្រភេទ​ដែល​ចេញ​ដោយ​ធនាគារ​អេស៊ីលីដា ភីអិលស៊ី ជំនួស​មុខឱ្យ​អ្នក​នាំ​ចូល (អ្នក​ទិញ) ធានា​ចំពោះ​ក្រុមហ៊ុន​ដឹក​ជញ្ជូន នូវ​រាល់​ការ​ខូច​ខាត ការ​បាត់​បង់ ឬ​ការ​រងគ្រោះ ដែល​បណ្តាល​មក​ពី​ក្រុមហ៊ុន​បាន​ប្រគល់​ទំនិញឱ្យ​អ្នក​នាំ​ចូល ដោយ​គ្មាន​ឯកសារ​ទំនិញ ។ តម្រូវ​ការ​លិខិត​ប្រភេទ​នេះ កើត​មាន​ឡើង​នៅ​ពេល​ដែល​ទំនិញ​មក​ដល់​គោល​ដៅ មុន​ឯកសារ​ទំនិញ​មក​ដល់ ។
  • លិខិត​ធានា​លើ​ការ​ដេញ​ថ្លៃ ៖ ជា​លិខិត​មួយ​ដែល​ចេញ​ដោយ​ធនាគារ អេស៊ីលីដា ទៅឱ្យ​អតិថិជន​របស់​ធនាគារ ដើម្បី​បំពេញ​តម្រូវ​ការ​ដេញ​ថ្លៃ​ផ្សេងៗ និង​ធានា​រ៉ាប់​រង​ពី​ការ​ទាម​ទារ​របស់​អ្នក​ដាក់ឱ្យ​ដេញ​ថ្លៃ ។
  • លិខិត​ធានា​លើ​ការ​ទូទាត់ ៖ ជា​លិខិត​មួយ​ដែល​ចេញ​ដោយ​ធនាគារ ទៅឱ្យ​អតិថិជន​របស់​ធនាគារ អេស៊ីលីដា ដើម្បី​ធានា​រ៉ាប់​រង​ការ​ចំណាយ​ទៅឱ្យ​អ្នក​ផ្គត់​ផ្គង់ ។
  • លិខិត​ធានា​បុរេ​ប្រទាន ៖ ជា​លិខិត​ធានា​ដែល​ចេញ​ដោយ​ធនាគារ ទៅឱ្យ​អតិថិជន​របស់​ធនាគារ អេស៊ីលីដា ដើម្បី​ធានា​ចំពោះ​ការ​អនុវត្ត​កិច្ចសន្យា​មួយ ដែល​បាន​ទទួល​ប្រាក់​បុរេ​ប្រទាន​រួច​ហើយ ។
  • លិខិត​ធានា​លើ​ការ​អនុវត្ត​កិច្ចសន្យា ៖ ជា​លិខិត​ធានា​ដែល​ចេញ​ដោយ​ធនាគារ ទៅឱ្យ​អតិថិជន​របស់​ធនាគារ អេស៊ីលីដា ដើម្បី​ធានា​ដល់​ការ​ប្រតិបត្តិការ​គម្រោង ជា​ពិសេស​គម្រោង​​សម្រាប់​ស្ថាបនា ។
  • លិខិត​ធានា​លើ​ការ​ឃាត់ទុក​សាច់​ប្រាក់ ៖ ជា​លិខិត​មួយ​ប្រភេទ​ដែល​ចេញ​ដោយ​ធនាគារ​អេស៊ីលីដា ភីអិលស៊ី ធានា​ទូទាត់​សំណង​ដល់​អ្នក​ទទួល​ផល ចំពោះ​ការ​យល់​ព្រម​​ផ្តល់​សាច់ប្រាក់​ដែល​ត្រូវ​ឃាត់​ទុក ទៅឱ្យ​អ្នក​ស្នើ​សុំ ក្នុង​ករណី​អ្នក​ស្នើ​សុំ​មិន​បាន ឬ​មិន​អាច​អនុវត្ត​ត្រឹមត្រូវ​តាម​កិច្ចសន្យា​នៃ​កិច្ច​ព្រម​ព្រៀង ឬ​កិច្ចសន្យា ដូច​មាន​ចែង​ក្នុង​លិខិត​ធានា អ្នក​ទទួល​ផល​អាច​ស្នើ​សុំ​ការ​ទូទាត់​សំណង​ពី​ធនាគារ​បាន ។

សំគាល់ ៖ ដើម្បី​ប្រើប្រាស់​សេវា​ហិរញ្ញប្បទាន​ពាណិជ្ជកម្ម លោកអ្នក​ត្រូវ​មាន​គណនី​មួយ​​ជា​មួយ​ធនាគារ​អេស៊ីលីដា ។ សម្រាប់​តម្រូវការ​ប្រើប្រាស់​សេវា​ធនាគារ និង​​ព័ត៌មាន​ផ្សេងៗ​ទៀត សូម​ទាក់ទង​ជាមួយ​នឹង​សាខា​របស់​យើង​ខ្ញុំ ដែល​មាន​ទីតាំង​នៅ​ជិត​លោក​អ្នក​បំផុត ឬ​ទាក់ទង​មក​ការិយាល័យ​ទំនាក់ទំនង​អតិថិជន ។

សំណួរ-ចម្លើយclose
search

1. ដូចម្តេច​ដែល​ហៅ​ថា​សេវា​ហិរញ្ញប្បទាន​ពាណិជ្ជកម្ម ?

សេវា​ហិរញ្ញប្បទាន​ពាណិជ្ជកម្ម គឺ​ជា​សេវា​មួយ​ប្រភេទ​ដែល​បាន​បង្កើត​ឡើង​ដើម្បី​ឆ្លើយតប និង​គាំទ្រ​លើ​មធ្យោបាយ​ផ្នែក​ហិរញ្ញវត្ថុ ដល់​សកម្មភាព​រីក​លូតលាស់​នៃ​ការ​ធ្វើ​ពាណិជ្ជកម្ម​ទាំង​ក្នុង​ស្រុក និង​ពាណិជ្ជកម្ម​ឆ្លង​ដែន ជា​ពិសេស​គឺ​គាំទ្រ​ដល់​ភាគី​ពាណិជ្ជកម្ម​ដែល​ជា​អ្នក​នាំចេញ​និង​នាំចូល ឱ្យ​ពួកគាត់​បាន​ទទួល​នូវ​ហិរញ្ញប្បទាន​ឬ​ឥណទាន​សមស្រប និង​ការ​ធានា​លើ​ការ​ទូទាត់​ប្រកប​ដោយ​សុវត្ថិភាព និង​ប្រសិទ្ធភាព​ខ្ពស់ ។

វាជាដំណោះស្រាយដ៏ទូលំទូលាយមួយដែលអាចរកបាន សម្រាប់ក្រុមហ៊ុនសាជីវកម្ម ដែលធ្វើពាណិជ្ជកម្មជាមួយគ្នានៅជុំវិញពិភពលោក។ ដំណោះស្រាយទាំងនេះ សំដៅដល់តម្រូវការនៃការកាត់បន្ថយហានិភ័យពាណិជ្ជកម្ម ការទូទាត់ ព័ត៌មាន និងប្រភពហិរញ្ញវត្ថុ។

2. តើ​សេវា​ហិរញ្ញប្បទាន​ពាណិជ្ជកម្ម​របស់​ធនាគារ​អេស៊ីលីដា​មាន​អ្វីខ្លះ ?

សេវា​ហិរញ្ញប្បទាន​ពាណិជ្ជកម្ម​របស់​ធនាគារ​អេស៊ីលីដា​មាន ៖

  • លិខិតធានា (ចេញ/ទទួល)
    • លិខិតធានាលើការដេញថ្លៃ
    • លិខិតធានា លើការអនុវត្តកិច្ចសន្យា
    • លិខិតធានាបុរេប្រទាន
    • លិខិតធានាលើការទូទាត់
    • លិខិតធានាលើការឃាត់ទុកសាច់បា្រក់
    • លិខិតធានាជំនួយ
    • លិខិតធានាហិរញ្ញប្បទាន
    • លិខិតធានាដកទំនិញ
    • ឥណទានសម្រាប់ទូទាត់លិខិតធានា
  • លិខិតឥណទានអចិន្ត្រៃយ៍ (ចេញ/ទទួល)
    • លិខិតឥណទានលើការដេញថ្លៃ
    • លិខិតឥណទានលើការអនុវត្តកិច្ចសន្យា
    • លិខិតឥណទានពាណិជ្ជកម្ម
    • លិខិតឥណទានបុរេប្រទាន
    • លិខិតឥណទានជំនួយ
    • លិខិតឥណទានហិរញ្ញប្បទាន
    • លិខិតឥណទានទូទាត់ដោយផ្ទាល់
  • សេវាប្រមូលទូទាត់លើឯកសារ (នាំចេញ-នាំចូល)
    • ស្នើសុំឲ្យធ្វើការទូទាត់ និង/ឬ ធ្វើស្វីការលើរូបិយាណត្តិ
    • ប្រគល់ឯកសារទំនិញដោយការប្រមូលទូទាត់ និង/ឬ ធ្វើស្វីការលើរូបិយាណត្តិ
    • ប្រគល់ឯកសារទំនិញទៅតាមលក្ខខណ្ឌផ្សេងៗ
    • ឥណទានលើឯកសារនាំចេញ
    • ឥណទាននាំចូល
  • លិខិតឥណទាន (នាំចេញ-នាំចូល)
    • ចេញលិខិតឥណទាន
    • ជូនដំណឹងលិខិតឥណទាន
    • ធានាទូទាត់បន្ថែមលើលិខិតឥណទាន
    • ផ្ទេរលិខិតឥណទាន
    • លិខិតឥណទានធានាបន្ត
    • លិខិតឥណទានបង្វិល
    • លិខិតឥណទានបុរេប្រទាន
    • លិខិតឥណទានក្រោមកញ្ចប់ថវិការបស់ស្ថាប័នថ្នាក់ពិភពលោក
    • អនុប្បទានសិទ្ធិលើផលនៃការទូទាត់ក្រោមលិខិតឥណទាន
    • ឥណទានសម្រាប់ទូទាត់លិខិតឥណទាន
    • ឥណទានមុនដឹកទំនិញ
    • ឥណទានលើឯកសារនាំចេញ

3. តើវិធីសាស្ត្រទូទាត់ប្រភេទណាខ្លះ ដែលនិយមប្រើនៅក្នុងពាណិជ្ជកម្មអន្តរជាតិ?

មានលក្ខខណ្ឌពាណិជ្ជកម្មជាច្រើន ដែលនឹងទទួលបាននូវកម្រិតហានិភ័យលើប្រតិបត្តិការពាណិជ្ជកម្ម ទាំងអ្នកនាំចូល និងអ្នកនាំចេញ។ នៅពេលដែលគេអាចកំណត់នូវកម្រិតហានិភ័យ ដែលពួកគេអាចទទួលយកបាននៅក្នុងកម្រិតណាហើយពួកគេនឹងអាចជ្រើសរើសនូវមធ្យោបាយទូទាត់មួយដ៏ត្រឹមត្រូវ។

ការទូទាត់ភាគច្រើនបានធ្វើប្រតិបត្តិការតាមរយៈធនាគារ ដោយការផ្ទេរប្រាក់ដោយផ្ទាល់ ឬការផ្ទេរប្រាក់ដើម្បីទូទាត់លិខិតឥណទាន (Letter of Credit) ឬ ទូទាត់លើឯកសារ (Documentary Collection)។ ខាងក្រោមគឺជាវិធិសាស្ត្រនៃការទូទាត់ ដែលអ្នកនាំចេញនិងអ្នកនាំចូល និយមប្រើប្រាស់នៅក្នុងពាណិជ្ជកម្មអន្តរជាតិ៖

  • បុរេប្រទាន
  • ទូទាត់ក្រោយពេលទទួលបានទំនិញ
  • ប្រមូលទូទាត់លើឯកសារ
  • លិខិតឥណទាន

4. តើ​អ្វី​ទៅ​ជា​សេវាលិខិត​ឥណទាន?

លិខិតឥណទាន គឺជាកាទទួលខុសត្រូវជាលាយលក្ខណ៍អក្សររបស់ធនាគារមួយ ជំនួសមុខឲ្យអ្នកនាំចូល (អ្នកទិញ) ធានាទូទាត់នូវចំនួនទឹកប្រាក់ជាក់លាក់មួយ ទៅអ្នកនាំចេញ(អ្នកលក់) នៅក្នុងកំឡុងពេលជាក់លាក់មួយ ប្រសិនបើអ្នកនាំចេញបានបង្ហាញឯកសារដែលតម្រូវក្នុងលិខិតឥណទាន និងអនុលោមទៅនឹងលក្ខខណ្ឌនៃលិខិតឥណទាន។

លិខិតឥណទានគឺជាឧបករណ៍មួយប្រភេទ ដែលអាចប្រើប្រាស់បានជាច្រើនរូបភាព និងមានសុវត្ថិភាពខ្ពស់បំផុត សម្រាប់អ្នកវិនិយោគិនអន្តជាតិ។ វាមានអត្ថប្រយោជន៍ជាខ្លាំងនៅពេលដែល ព័ត៌មានឥណទានដែលអាចទុកចិត្តបានរបស់អ្នក នាំចូលពិបាកនឹងទទួលយក ឬលទ្ធភាពរបស់អ្នកនាំចូលមិនអាចទទួលយកបាន តែអ្នកនាំចេញបានផ្តោតសំខាន់ ទៅលើលទ្ធភាពសងរបស់ធនាគារអ្នកនាំចូលជំនួសវិញ (ធនាគារចេញលិខិតឥណទាន)។

ក្រោមប្រតិបត្តិការនៃលិខិតឥណទាន អ្នកនាំចូលក៏អាចការពារខ្លួនគាត់ផ្ទាល់ ដោយកំណត់ឯកសារដែលតម្រូវឲ្យបានច្បាស់លាស់ ដូចជា៖ អញ្ញត្តបត្រ (Bill of Lading) បណ្ណធានារ៉ាប់រង (Insurance Certificate) វិញ្ញាបនបត្រត្រួតពិនិត្យទំនិញ (Inspection Certificate) វិញ្ញាបនបត្រសុខាភិបាល (Health Certificate) ជាដើម។ល។

5. តើមានតម្រូវការអ្វីខ្លះពីអតិថិជន ដើម្បីចេញលិខិតឥណទាន?

  • មានគណនីជាមួយធនាគារ អេស៊ីលីដា ភីអិលស៊ី
  • ជាក្រុមហ៊ុនស្របច្បាប់
  • កិច្ចសន្យាទិញលក់ ឬពង្រាងវិក្កយបត្រ (ប្រសិនបើមាន)
  • ទ្រព្យតម្កល់ធានាសម្រាប់សុវត្ថិភាពចេញលិខិតឥណទាន

6. តើសេវាហិរញ្ញប្បទានពាណិជ្ជកម្មផ្តល់អត្ថប្រយោជន៍អ្វីខ្លះដល់​អតិថិជន និង​សង្គម ?

  • សម្រាប់​អតិថិជន
    • ធានា​បាន​នូវ​ការ​ជឿ​ទុក​ចិត្ត និង​បង្កើត​ទំនាក់​ទំនង​ល្អ​រវាង​ដៃគូ​ពាណិជ្ជកម្ម
    • មាន​សុវត្ថិភាព​ខ្ពស់​លើ​មុខ​ជំនួញ
    • បង្ក​លក្ខណៈ​ងាយស្រួល​ដល់​ការ​អនុវត្ត​កិច្ចសន្យា ប្រកប​ដោយ​ភាព​រលូន
    • មាន​លទ្ធភាព​ពង្រីក​ទីផ្សារ​ទាំង​ក្នុង​និង​ក្រៅ​ប្រទេស
    • កាត់​បន្ថយ​ហានីភ័យ​ពាណិជ្ជកម្ម
    • បង្កើន​ទិន្នផល​ផលិតកម្មឱ្យ​ពេញ​សមត្ថភាព និង​មាន​ការ​ប្រកួត​ប្រជែង
    • បង្កើន​ចំណូល​សម្រាប់​ក្រុម​គ្រួសារ ឬ​ក្រុមហ៊ុន
    • បង្កើន​ទ្រព្យ​របស់​ភាគទុនិក ឬ​អ្នក​ចូល​ហ៊ុន
    • បង្កើន​កេរ្តិ៍​ឈ្មោះ​ល្បីល្បាញ​ដល់​ក្រុម​គ្រួសារ ឬ​ក្រុមហ៊ុន
    • រួម​ចំណែក​អភិវឌ្ឍន៍​សេដ្ឋកិច្ច​របស់​ប្រទេស​ជាតិ
  • សម្រាប់​សង្គម
    • កាត់​បន្ថយ​ជំលោះ​ឬ​បណ្តឹង​ដែល​អាច​កើត​មាន​ជា​យថាហេតុ ក្នុង​ការ​ធ្វើ​ពាណិជ្ជកម្ម
    • បង្កើន​ការ​យល់​ដឹង​អំពី​ការ​ប្រើប្រាស់​សេវាកម្ម​ធនាគារ ដល់​អតិថិជន​និង​សាធារណជន​ទូទៅ
    • ជំរុញឱ្យ​មាន​ការ​វិនិយោគ​ប្រកប​ដោយ​ចីរភាព
    • បង្កើនឱ្យ​មាន​ការងារ​ជូន​ដល់​ប្រជាពលរដ្ឋ
    • បង្កើន​ចំណូល​ជាតិ ដែល​បាន​មក​ពី​គ្រប់​វិស័យ​ដែល​ពាក់ព័ន្ធ
    • បង្ហាញ​ទៅ​កាន់​សហគមន៍​អន្តរជាតិឱ្យ​បាន​ដឹង​ថា ប្រព័ន្ធ​គ្រប់គ្រង​វិស័យ​ហិរញ្ញវត្ថុ​និង​ធនាគារ​ក្នុង​ស្រុក ពិត​ជា​បាន និង​កំពុង​មាន​ភាព​រឹងមាំ
    • បង្ហាញ​ទៅ​កាន់​សហគមន៍​អន្តរជាតិឱ្យ​បាន​ដឹង​ថា ប្រទេស​កម្ពុជា​ជា​ប្រទេស​ដែល​មាន​សុវត្ថិភាព និង​ស្ថិរភាព​រឹងមាំ​ផ្នែក​សេដ្ឋកិច្ច
    • ជំរុញឱ្យ​មាន​កំណើន​កាន់តែ​ខ្លាំង​ឡើង​លើ​វិស័យ​ទំនាក់​ទំនង​ពាណិជ្ជកម្ម​អន្តរជាតិ
    • ជួយ​ជំរុញ​ល្បឿន​នៃ​ការ​លូតលាស់​ខាង​ផ្នែក​សេដ្ឋកិច្ច ។

7. តើវិធីសាស្ត្រទូទាត់នៅក្នុងលិខិតឥណទានមានប៉ុន្មានប្រភេទ?

  • ការទូទាត់ប្រភេទ Sight Payment
  • ការទូទាត់ប្រភេទ Differed Payment
  • ការទូទាត់ប្រភេទ Acceptance
  • ការទូទាត់ប្រភេទ Negotiation

8. អ្វីទៅជាសេវាលិខិតធានា?

សេវាលិខិតធានា ជាប្រភេទផលិតផលរបស់ធនាគារ អេស៊ីលីដា ភីអិលស៊ី ដែលត្រូវបានរៀបចំឡើងដើម្បីបង្កើនតម្លាភាព ក្នុងការបំពេញតាមកាតព្វកិច្ចនៃកិច្ចសន្យារវាងដៃគូពាណិជ្ជកម្ម ដោយអនុលោមតាមច្បាប់អន្តរជាតិ ដែលដាក់ឲ្យអនុវត្តលើសេវាលិខិតធានា និងច្បាប់ជាតិស្តីពីប្រតិបត្តិការដែលមានកិច្ចធានា។

លិខិតធានា គឺជាកាតព្វកិច្ចគាំទ្រធានាសងជួស ឬធានាសងជំនួស ដែលត្រូវបានធ្វើឡើងជាលាយលក្ខណ៍អក្សរដោយធនាគារ អេស៊ីលីដា ភីអិលស៊ី ថានឹងទូទាត់ជាសំណងជួស ក្នុងចំនួនទឹកប្រាក់ជាក់លាក់មួយ ដែលបានអះអាងក្នុងលិខិតធានាទៅឲ្យអ្នកទទួលផល នៅពេលដែលអ្នកទទួលផលបានបង្ហាញឯកសារទាមទារសំណងបានត្រឹមត្រូវ។

9. តើអ្វីទៅជាទ្រព្យតម្កល់ធានាសុវត្ថិភាពចេញលិខិតឥណទាន?

  • មានទឹកប្រាក់គ្រប់គ្រាន់នៅក្នុងគណនី
  • បញ្ញើសន្សំមានកាលកំណត់
  • ដី អគារ ធានារ៉ាប់រងឥណទាន លិខិតធានា ជាដើម...។ល។

សូម​លោក​អ្នក​មេត្តា​ចំណាយ​ពេល​ប្រហែល ១០នាទី ដើម្បី​ផ្តល់​នូវ​ចម្លើយ និង​សំណូម​ពរ​ផ្សេងៗ ។ ចម្លើយ​របស់​លោក​អ្នក​នឹង​រក្សា​ការ​សម្ងាត់ ។

យល់ព្រម

ជា​សេវា​ហិរញ្ញវត្ថុ​មួយ​ប្រភេទ ដែល​អនុញ្ញាត​ឲ្យ​លោក​អ្នក​ធ្វើ​ប្រតិបត្តិការ​សេវា​ធនាគារ តាម​រយៈ​ទូរស័ព្ទ​ចល័ត​ដែល​ដំណើរការ​ដោយ Android និង iOS ។

មាន​អតិថិជន​កំពុង​ប្រើ​ចំនួន ១.៤៦២.៤៦៣ នាក់
  

ប្រសិន​បើ​លោក​អ្នក​មាន​ចម្ងល់ ឬ​សំណូម​ពរ​ផ្សេងៗ (បម្រើ​២៤​ម៉ោង)
phone០២៣ ៩៩៤ ៤៤៤, ០១៥ ៩៩៩ ២៣៣
emailinquiry@acledabank.com.kh

សម្រាប់​បណ្តឹង​ត្អូញ​ត្អែរ (បម្រើ​ជូន​ពី​ម៉ោង ៧:៣០ ដល់​ម៉ោង ១៦:៣០ រៀង​រាល់​ថ្ងៃ​ធ្វើការ)
phone០១៥ ៨៨៨ ៦៥៤
emailcmc@acledabank.com.kh

យើង​ខ្ញុំ​សូម​ថ្លែង​អរគុណ​សម្រាប់​ការ​ចំណាយ​ពេល​ដ៏​មាន​តម្លៃ​របស់​លោក​អ្នក ដើម្បី​ផ្តល់​ចំណាត់​ថ្នាក់ និង​យោបល់ ដល់​ធនាគារ អេស៊ីលីដា ។

ព័ត៌មាន​បន្ថែម
អេស៊ីលីដា​យូនីធី​ទាន់​ចិត្ត
អតិថិជន​កំពុង​ប្រើ ១.៤៦២.៤៦៣ នាក់
ទាញយក​ពី App StoreGoogle Play
ផែនទីទំព័រ   ទម្រង់ប្រើជាមួយសេវា   របៀបប្រើសេវាកម្ម   កម្មវិធីគណនា   ព័ត៌មានតាមអ៉ីម៉ែល   លក្ខខណ្ឌសុវត្ថិភាព   កំណត់ចំណាំផ្នែកច្បាប់
ចំនួនអ្នកកំពុងទស្សនា : ៣១៤    ចំនួនអ្នកទស្សនាថ្ងៃនេះ : ៤.២២៦    ចំនួនអ្នកទស្សនាពីម្សិល : ២១.០២៣